Weblog
Friday, 24 October 2008
-
多謝 Christine&Erica 陪我渡過快樂既5天馬來西亞之旅...真係未出發先興奮(指既係Christine姐),完全零付出咁去旅行(錢都唔洗畀住),就連去到機場都出動到一招唔記得張卡既PW(大家可以學下^^),咁就可以輕輕鬆鬆去旅行~~勁呀
!!我地既"ca姐"亦都唔弱,事關佢成功將一大樽檸蜜 handcarry 返香港而完全冇事,各位有d咩貨想走都可以揾佢傾下^^~~(佢絕對有potential加入塔利班...><)
5天行程去左好靚既狄臣港住水中高腳屋(Erica非常有義氣地坐係泳池邊陪我游水,thx a lot)...有歷史價值既馬六甲(坐左架好有特色既三輪車,仲去左"夏日的麼麼茶"間bar)...上左雲頂(唔係好凍,個賭場都不外如是,商場就OK啦,可惜冇得搭纜車)...落返吉隆坡去驚心動魄既黑風洞(272級+好多凶猛既馬騮周圍走...不過都有好多好得意既白鴿...試埋拉茶>>都唔係咁難je)...參觀馬拉屋...SunwayLagoon水上樂園+神奇冒險樂園(360度大回環海盜船>>唔驚不過腦充血到頭痛...Chritine玩過山車個樣真係十分經典,最衰冇買到張相...水上樂園都一般,長隆個好玩好多)...行埋馬來西亞板既旺中+新之城....
食個方面就十分好>>>娘惹菜,奶油蝦,麪包雞,咖哩魚頭,肉骨茶,拉茶,咖央多士,不夜天大排檔,燒魔鬼魚,水果+糕點宴,D24榴槤,榴槤雪條,榴槤朱古力...肥左好多...
Tuesday, 07 October 2008
-
yesterday 又係 sisters' gathering,去左唱 K buffet,得2個半鐘真係唔夠,食得黎又唱唔到,不過旺中d野食真係不錯不錯...
...之後去左飲野傾下計,有位飲到小wing既日本籍男士走唻聊我地傾計,好彩最終都畀佢個 friend 拉走左...都真係唔係咁鍾意畀人 disturb...4姊妹傾到2點幾就走,多謝小Day接埋我先瞓~~
今日同小Day一家去和合石拜佢阿嫲跟住佢又同我去拜阿婆,阿婆個墓真係好難搵,行到腳都震埋,又畀d蚊叮到周身都係...咁大個女第一次自己買野去拜山,亦都係第一次同男朋友去拜山,仲畀媽咪3G拜阿婆,感覺都幾特別...
Sunday, 05 October 2008
~~朋友們唔好奢求太多,好好珍惜眼前既野啦!!
Tuesday, 30 September 2008
-
照顧一個小朋友真係唔容易,原來真係可以咁大壓力...都係因為我既一時疏忽,攪到我既寶貝tiktik受傷入院,又要抽血又要吊drip,真係心都痛埋...好彩冇咩事,好快可以出院...佢又好叻仔,冇乜扭計,又可以獨臂玩玩具同埋食野,仲跳跳扎周圍走,真係畀佢激死...狂我同家姐都為佢喊到死死下....
Friday, 08 August 2008
-
之前同kennie celebrate B-day,4個傻婆又咩都笑一餐(而家先知原來烏龜係咁憎黑森林~~)...><...食個dinner都食幾粒鐘,最衰又要返shift,同烏龜勁難夾d時間,想一齊去玩下都難....好想一齊去旅行呀!!!!
同完哩班又同nursing個班gathering,都算幾齊人,唱完K去影貼紙相,不過都不是太成功,下次要影靚D先得....又係玩得好開心同超爆笑...大家多D出黎gather下啦!!!要調劑下先得ga~~
哩頭加完5.29%個頭又加個point,都真係幾開心ga...一年內好似加左幾次salary咁...但係其實都真係唔係咁易賺ga...繼上次做到半夜2點先有飯食之後,今次call又由下午3點半做到第2朝6點,20hrs冇瞓...我覺得真係要加call pay先啱,真係做死人ga!!!!
Chatboard (0)